Events

නාලන්දාවේ හිටපුවිදුහල්පති  ධර්ම ගුණසිංහ මැතිතුමා වියෝ විය. 

 

 

ධර්ම ගුණසිංහ පදනම සංවිධානය කරන ලද ධර්ම ගුණසිංහ මැතිතුමා වෙනුවෙන් පවත්වන ධර්ම දේශනාව සහ දානමය පිංකම සැප්තැම්බර් 26 වන දින, එතුමා විසූ අදිකාරම් මාවතේ නිවසේ දී පවත්වනු ලැබේ. එදින පෙ.ව. 10.30 සිට 11.30 දක්වා ධර්ම දේශනාව පවත්වා අනතුරුව දානමය පිංකම සිදු කෙරේ.

.

 

 

සුසිලා ධර්මසිරි මහත්මිය

අප විද්‍යාලයේ සේවය කල, අප සංගමයේ සාමාජිකා (සාමාජික අංක 92) සුසිලා ධර්මසිරි මහත්මිය වයස අවු 84ක් ආයු වලඳා පරලෝ සැපත් විය. එතුමියගේ දේහය බොරැල්ල ජයරත්න මල් ශාලාවේ තබා ඇත හෙට එනම් 22වන බදාදා පස්වරුවේ අවසන් කටයුතු සිදු කරන බව සියලු ඥාති මිත්‍රාදීන් පිළිගනිත්වා.

Appreciation

2020 වර්ෂයේ දී අප සංගමයට ලබැඳි සෙනෙහසින් සහාය වුනු සැමට අප සංගමයේ ආදර ස්තූතිය පිරි නැමේ.

2020 වර්ෂයේ විශ්‍රාමික ගුරු භවතුන් ගේ තෙදින චාරිකාවේ පළමු දිනය තුල අප සැම සෝමාවතී චෛත්‍යය වන්දනාව සඳහා 2020 -08- 29 දින පෙරවරු 5.00ට නාලන්දා විද්‍යාලයෙන් රැගෙන යන ලදී. අඹේපුස්සේ දී උදය ආහාරයත් මින්නේරියේ දී තැඹිලි පානය කරන්නට දී ගිමන් නිවා, සෝමාවතී පුදබිම පරිශ්‍රයේ දී දිවා ආහාරයත් රාත්‍රී ආහාරයත් සමග සෑ රදු පියස ශාලාවේ නවාතැන් පහසුවත් සලසා දෙන ලදී. සෝමාවතී චෛත්‍යයේ සවස ගිලන්පස පූජාවත් පසු දින උදේ කිරිපිඩු පූජාවත් ඇතුළු පිංකම අප වෙනුවෙන් කිරීමට අපව දායක කර ගන්නා ලදී. මෙම මහඟු පුණ්‍යකර්මයට ඔවුන්ගේ ගුරු මෑණි වරුන් හා පියවරුන් සහභාගී කරවා ගැනීම උදෙසා 83 කණ්ඩායමට අප ආදි ගුරු සංගමයේ ආදර ස්තුතිය පුද කෙරේ. මේ සඳහා මූලික ව ක්‍රියා කල 83 කණ්ඩායමේ පුතුන් කිහිප දෙනෙකු විශේෂයෙන් සිහිපත් කල යුතු වේ.

• මේජර් ජෙනරාල් ප්‍රභාත් දෙමටංපිටිය.

• අරුණ හේරත්.

• එරාජ් අරවින්ද ප්‍රනාන්දු

• ගාමිණී වික්‍රමසිංහ

• ජනක කරුණාරත්න.

• දිනේශ් අරුණතිලක.

• රේණුක වෙලබඩගේ.

• රෝහිත රනේපුර

• වෛද්‍ය දයාල් විජේතුංග

• වෛද්‍ය සේනක සේනානායක.

• හේමන්ත ගමගේ

• චූලා රාජපක්ෂ

• කපිල ගුණතිලක.

 • චන්දන වික්‍රමරත්න.

 • එම්.කේ. මල්ලිකාරච්චි.

• එයාර් මාර්ෂල් සුමංගල ඩයස්

ඔවුන් අප වෙනුවෙන් සිදු කල අනුපමේය මෙහෙය වෙනුවෙන් විශේෂයෙන් ස්තුති කල යුතුය.

මේ පින්කමට සහභාගි වීමට පැමිණි අප විද්‍යාලයේ විදුහල්පති තිලක් වත්තුහේවා මහතා ද ගෞරවයෙන් සිහිපත් කරමු.

 ඒ අතර බස් රථය දින තුනම සඳහා වන ගාස්තු ගෙවීමෙන් එරාජ් අරවින්ද ප්‍රනාන්දු පුතණුවන් කල විශේෂ අනුග්‍රහය සිහිපත් කල යුතුය.

මෙයට අමතරව අපට සුපුරුදු පරිදි නිරතුරුව ම සෙනෙහසින් බැඳි රමල් සිරිවර්ධන පුතණුවන් අනුරාධපුර ශ්‍රී මහා බෝධියට සහ රුවන්වැලි සෑ රදු වන්දනාවට විශේෂ පහසුකම් සලසන ලදී. එමෙන්ම මඩු දේවස්ථානයේ දී මීසම බාර පියතුමන් මඩු දේවස්ථානයට ගෙන්වීමෙන් හා එහි පාලක පියතුමන් සමග අප හට සම්බන්ධ කරවා දෙන ලදී. මේ හැරුණු විට මඩු දේවස්ථානයේ දී අප වෙත තේ පැන් සංග්‍රහයක් ලබා දීමට ක්‍රියා කරන ලදී. මේ සියල්ලට ම රමල් සිරිවර්ධන පුතණුවන්ට අපගේ ආදර ස්තූතිය පිරිනැමේ.

එන්.පී.ඒ සුබසිංහ පුතණුවන් තෙවැනි දිනයේ දිවා ආහාරය සඳහා රුපියල් විසි පන්දහසක මුදලකින් දායක වීමෙන් කරන ලද අනුග්‍රහය කෘතවේදීව සිහිපත් කරමු.

.

Annual Programme 2020